நத்தையாரே, நத்தையாரே, எங்கே செல்கிறீர்?

நத்தையாரே, நத்தையாரே, எங்கே செல்கிறீர்?
ஊர்ந்து ஊர்ந்து மெல்ல மெல்ல எங்கே செல்கிறீர்?
அத்தை குளிக்கத் தண்ணீர் குடம் சுமந்து செல்கிறேன்;
அங்கும் இங்கும் பாராமலே நேரே செல்கிறேன்.
ஊர்ந்து ஊர்ந்து சென்றாலே நேரம் ஆகிடுமே,
அத்தை உம்மை கோபித்தாலே என்ன செய்குவீர்?
ஊர்ந்து ஊர்ந்து சென்றாலும் நான், பத்தே நாளில் சென்றிடுவேன்;
பத்திரமாய் சென்றிடுவேன், பக்குவமாய் பேசிடுவேன்;
அத்தையாரும் மகிழ்ந்திடுவார், ஆகாவென்றே கூறிடுவார்!